Sasahod muli ng P117,000 piso kada buwan si resigned Philippine National Police (PNP) Chief Director General Alan Purisima sa pagbabalik-trabaho nito sa Hunyo 10.
Paliwanag ni PNP Officer in Charge Deputy Director General Leonardo Espina, ito ay dahil nananatiling 4-star general si Purisima.
Sinabi pa ni Espina na maaari pa ring tumanggap ng benepisyo si Purisima sa pagreretiro nito sa Nobyembre.
Sa ngayon ay magbabalik si Purisima bilang isang ordinaryong pulis matapos magbitiw bilang hepe ng Pambansang Pulisya sa kainitan ng isyu ukol sa Mamasapano encounter.
Matatandaang nasuspinde si Purisima dahil sa kaso nitong graft na isinampa ng Ombudsman.
