Target ng House Committee on Appropriations na maipasa sa committee level ang proposed 3.7 trillion budget ng Duterte administration sa susunod na buwan.
Ayon kay Congressman Karlo Nograles, chairman ng nasabing komite, isasagawa ang budget hearing simula sa Agosto 1 hanggang 24 kung saan kanilang pakikinggan ang iba’t ibang ahensya ng pamahalaan na magpi-prisinta ng budget sa kanilang departamento.
Siniguro ni Nograles na magiging mapanuri ang appropriations committee sa mga nilalaman at bawat detalye ng Proposed 2018 Budget ng Duterte administration.
Kasabay nito, sinabi ni Nograles na target nilang maipasa sa plenary level ang proposed budget bill sa pagitan ng Setyembre 8 hanggang 14.
- Meann Tanbio | Story from Jill Resontoc
