Nanawagan ng suporta ang Department of Education (DepEd) sa programa nitong Brigada Eskwela.
Ang apela ay ginawa ni DepEd Antique Division Superintendent Dr. Felisa Beriong kasabay ng virtual launching ng Oplan Balik Eskwela sa lalawigan.
Ayon kay Beriong, mahalaga ang suporta at volunteerism mula sa local government units, education stakeholders, at iba pang volunteers.
Umarangkada na nitong Lunes ang Brigada Eskwela at magtatapos sa Agosto 29.
Samantala, balak ding makipagsanib-pwersa ng DepEd Antique sa dalawang cable televisions at isang radio station sa probinsya upang maihatid sa mga estudyante ang kanilang classroom instructions dulot na rin ng napakahinang internet connection sa kanilang lugar.
