Hindi kumporme si Senador Panfilo Lacson sa pahayag ni PNP Chief Ronald Dela Rosa na walang kapasidad ang pulisya para magsagawa ng wiretapping operations.
Ayon sa senador, bagama’t nauunawaan niya ang pinaghuhugutan ng PNP Chief, hindi naman siya naniniwalang hindi pa rin ito kaya ng mga pulis sa kasalukuyang panahon.
Katunayan, sinabi ni Lacson na nang maupo siya bilang hepe ng PNP noong 1999, mayroon nang wiretapping equipment ang PNP at patunay na rito ang ‘Hello Garci’ scandal na pumutok noong 2004.
Gayunman, matipid na “I don’t know” o “Hindi ko alam” ang sagot ni Lacson nang tanungin siya kung nakawire-tapped nga ba ang cellphone ni Senadora Leila De Lima.
By Jaymark Dagala
