Kontra si Senador Francis Pangilinan sa panukala na magpatupad ng nationwide curfew sa lahat ng mga kabataan sa buong bansa.
Ayon kay Pangilinan na siyang may-akda sa batas na nagtataguyod sa karapatan ng mga kabataan o Juvenile Justice Act of 2006, dapat mas pagtuunan ng pansin ang paghahabol sa mga sindikato ng iligal na droga sa halip na pag-initan ang mga kabataan.
Sa ilalim aniya ng naturang batas, hindi maaaring ikulong ang mga menor de edad na nasasangkot sa alinmang krimen o di kaya’y pagkaitan sila ng kalayaang makapamuhay.
Kasunod nito, binuweltahan din ni Pangilinan si PNP Chief Ronald Dela Rosa na sumusuporta sa naturang panukala na trabahong pulis patola ang ninanais nito na gawin ng mga pulis.
Ulat ni DWIZ Patrol Reporter Jonathan Andal
Posted by: Robert Eugenio
