Nakipagpulong si Philippine National Police o PNP Chief Director General Ronald ‘Bato’ Dela Rosa sa Deputy Commissioner General ng Korean National Police na si Kim Kiu Chan.
Kinumpirma ito ng PNP Chief kaugnay sa nangyaring pagdukot at pagpatay sa Korean businessman na si Jee Ick Joo sa loob mismo ng Kampo Crame.
Ayon kay Dela Rosa, kaniyang ipinaliwanag sa Korean Police Official ang nangyari at kaniyang susubukang magbigay ng pampalubag loob.
Nakatanggap din aniya siya ng kopya ng sulat mula sa pamilya ni Jee para kay Pangulong Rodrigo Duterte upang hilingin na ang PNP na lamang ang siyang mag-imbestiga sa kaso.
By Jaymark Dagala |With Report from Jonathan Andal
