Kabilang na sa blacklist ng Amerika si Venezuelan Vice President Tareck El Aissami.
Bunsod ito ng pagkakasangkot ni El Aissami sa operasyon ng iligal na droga sa kanilang bansa.
Ayon sa Department of Treasury ng Amerika, kasabwat umano ng Bise Presidente ang isa pang opisyal na si Samark Jose Bello na siyang tumatayong financier nito.
Maliban kina El Aissami at Bello, pinatawan din ng sanction ang labintatlong kumpaniyang pagmamay-ari ni Bello na bumubuo umano ng international network.
Ilan sa mga lugar umano ng operasyon ng dalawa ay sa British Virgin Islands, Panama, Great Britain at Amerika.
By Jaymark Dagala
