Tatanggihan ng China ang tangkang makipag-usap ng Pilipinas kung hindi muna ibabasura ng Administrasyong Duterte ang naging desisyon ng Arbitral Tribunal sa isyu sa West Philippine Sea.
Giit ni Chinese Vice Foreign Minister Liu Zhenmin, hindi papayagan ng China ang anumang negosasyong nakabatay sa nasabing pasya ng Permanent Court of Arbitration sa The Hague.
Ayon kay Liu, umaasa ang gobyerno ng China na mapagtatanto ng Administrasyong Duterte na walang kwenta para sa China ang pagpabor ng International Court sa Pilipinas sa isyu ng pinag-aagawan nilang West Philippine Sea.
Gayunpaman, umaasa, aniya, ang china na ibabasura rin ng Administrasyong Duterte ang desisyon ng Arbitral Court at makikipag-usap nang direkta sa China.
By: Avee Devierte