Bineberipika na ng pulisya at militar ang ulat na natagpuan na ang pinaniniwalaang katawan ng Canadian hostage na si Robert Hall sa Talipao, Sulu.
Base sa inisyal na ulat, narekober umano ang katawan ni Hall sa Barangay Bud Bunga kung saan unang natagpuan ang katawan ng kapwa Canadian hostage na si John Ridsdel na itinapon din ng Abu Sayyaf.
Ayon kay Talipao Police Chief, Senior Supt. Norlito Mata, kilalang balwarte ng ASG ang naturang lugar.
Magugunitang pinugutan ng bandidong grupo si Hall matapos mabigong magbigay ng P300 million peso ransom ang kanyang pamilya noong Lunes ng hapon.
By Drew Nacino
