Kinumpirma ni Lt. Commander Marineth Domingo, ang tagapagsalita ng Philippine Navy na lalahok ang Pilipinas sa multilateral exercises, na dadaluhan ng 18 bansa.
Ayon kay Domingo, ang 18 bansa ay dadalo sa ASEAN Defense Ministers Meeting at Counter Terrorism Exercise na gagawin sa Brunei at Singapore sa pagitan ng May 1 hanggang 12.
Kasama ng 10 ASEAN countries ang mga bansang Amerika, Australia, China, India, Japan, New Zealand, Republic of Korea, at Russian Federation.
Bukas ay tutulak na ang BRP Gregorio del Pilar patungo sa Brunei.
Samantala, naka iskedyul din ang bilateral exercises ng Philippine Navy at ng Royal Brunei Navy sa Mayo 10 hanggang 17.
By Katrina Valle | Jonathan Andal (Patrol 31)