Tinatayang 17 milyong Pisong halaga ng iligal na droga ang nasabat ng Philippine Drug Enforcement Agency sa magkahiwalay na operasyon sa Correctional Institute for Women sa Mandaluyong at isang condominium unit sa Maynila.
Sa ilalim ng “Operation Greyhound,” unang sinalakay ng PDEA ang correctional sa tulong ng Bureau of Corrections kung saan 135 kilos ng shabu na nagkakahalaga ng 5.5 Million Pesos at mga tsekeng aabot sa 2 Million Pesos ang nasabat na pag-aari ng convicted drug trafficker na si Yuk Lai Yu.
Ayon kay PDEA Dir. Gen. Aaron Aquino, karamihan sa mga droga ay itinago sa 27 panty liners habang nakapangalan sa isang Anna Sy Balmeo ang mga narekober na tseke at iba’t ibang foreign currency.
Makalipas ang tatlong oras, sinalakay anya nila ang residential unit ni Yu na si Diana Yu Uy sa unit 3D, third floor ng JY J Condominium sa General Solano Street na malapit lamang sa Malakanyang sa San Miguel, Maynila.
Narekober sa condo unit dalawang kilo ng shabu na aabot sa 10 Million Pesos ang halaga habang naaresto naman si Diana na napag-alamang nag-su-supply ng droga sa koreksyonal.
Ginagamit anya ni Uy ang kanyang rice retailing business upang pagtakpan ang kanyang illegal drug activities.