Nagpalabas na ng memorandum ang Presidential Communications Operations Office (PCOO) para kay Communications Assistant Secretary Mocha Uson kaugnay sakaniyang kontrobersiyal na federalism video kasama ang blogger na si Drew Olivar.
Ito ang ibinunyag ni Communications Assistant Sec. Ana Marie Banaag sa budget deliberations ng PCCO.
Ayon kay Banaag, si Communications Undersecretary Lorraine Badoy ang nag-isyu ng memo kay Uson upang paalalahanan ito ng dapat na asal at ethical standards ng isang public officials.
Magugunitang sa game show ni Uson sa facebook ipinarinig ng co-host nito na si Olivar ang isang kantang may kaugnayan sa isinusulong ng pamahalaan na federalismo habang itinuturo nito ang maselang bahagi ng katawan.
