Pinayuhan ng Philippine Coast Guard ang mga mangingisda na iwasan muna ang pagpalaot sa malayong bahagi ng dagat sa eastern section ng bansa dahil sa paparating na bagyo.
Ayon kay PCG Spokesman Commander Armand Balilo, magpapatupad ng monitoring ang PCG sa mga pantalan at iba’t-ibang istasyon ng Coast Guard.
Sinabi ni Balilo na agad nilang ipagbabawal na maglayag ang lahat ng uri ng mga sasakyang pandagat sa eastern at northern Luzon sa oras na makapagtaas ng storm signal ang PAGASA ukol sa paparating na bagyo.
Matatandaang maraming nawalang mangingisda noong kasagsagan ng pananalasa ng bagyong Kabayan.
By Ralph Obina