Magkakaroon ng libreng coronavirus disease 2019 (COVID-19) antibody test sa lungsod ng Pasig simula bukas, ika-14 ng Agosto.
Ayon kay Pasig City Mayor Vico Sotto, magiging ‘first come, first served’ ang sistemang ipatutupad sa naturang COVID-19 testing.
Bukod pa rito, dapat munang magpa-reserve ng slot bago magtungo sa Tanghalang Pasigueño na itinakdang lugar ng pagdarausan ng testing sa mga sumusunod na hotlines:
- 0928-2911716;
- 0928-2911717.
Sa kaparehong kalatas, sinabi ng Pasig City Local Government Unit (LGU) na hindi ito tatanggap ng walk-in clients.
Ito na po yung nabanggit ko sa inyo na #FreeTesting para sa mga Pasigueño.
Bago pumunta, tumawag muna at mag-reserve ng slot sa Testing Hotlines: 0928-2911716 o 0928-2911717 (tweet replaced to correct numbers)
Para hindi dagsain ng tao ang testing site, BAWAL PO ANG WALK-IN. pic.twitter.com/zyH864V9B2
— Vico Sotto (@VicoSotto) August 12, 2020
Pagtitiyak naman ni Sotto, kung magiging maayos ang sistema ng testing, ay maaari itong ituloy araw-araw.
