Inihayag ng Bureau of Internal Revenue o BIR na hindi nito pagbibigyan ang isinusulong na tax exemption para kay 2015 Miss Universe Pia Wurtzbach.
Ayon kay BIR Commissioner Kim Jacinto-Henares, kahit may naipasa pang resolusyon sa Kongreso ay hindi pa rin ito puwedeng pagbigyan.
Giit ni Henares, ang pagbabasehan lamang niya ay ang batas base sa nakasasad sa National Internal Revenue Code o ang Philippine Tax Law.
Aniya, hindi batas ang resolusyon at kung gusto umanong i-exempt ng mga kongresista ang isang taxpayer tulad ni Wurtzbach ay dapat itong magpasa ng batas.
By Jelbert Perdez
