Mananatili sa 15 taong gulang ang edad ng mga maaaring papanagutin sa batas sakaling makagawa ng krimen.
Ito’y makaraang ibasura ng House Committee on Correctional Reforms ang panukalang pababain sa siyam na taong gulang ang criminal liability na una nang inaprubahan ng House Justice Subcommittee.
Gayunman, batay sa inaprubahang panukala ng mga mambabatas sa Kamara, papatawan ng mas mabigat na parusa ang sinumang nasa hustong gulang na gumagamit sa mga bata para gumawa ng krimen.
Sa ilalim din nito, agad ililipat sa pangangalaga ng Social Worker ang isang batang naaresto upang i-assess kung dapat itong pakawalan o ipapasok sa bahay pagasa na isang youth care center.
By: Jaymark Dagala