Sasailalim sa security adjustments ang isasagawang concert ni pop artist Ariana Grande sa Pilipinas sa buwan ng Agosto.
Ayon ito kay PNP o Philippine National Police Spokesman Chief Supt Dionardo Carlos kasunod ang pagsabog matapos ang concert ni Ariana sa Manchester City sa United Kingdom na ikinasawi ng 22 katao.
Sinabi ni Carlos na kailangang makipag-ugnayan sa PNP ang organizers ng nasabing concert para makabuo ng tamang security arrangement at assistance at matiyak ang kaligtasan ng mga manunuod sa concert.
Pinayuhan ni Carlos ang production team ng concert ni Ariana na ipakita ang kanilang security plan sa nasabing event at makipag ugnayan na kaagad sa local authorities.
Ang concert ng American singer ay nakatakdang gawin sa August 17 sa Mall of Asia Arena sa Pasay City.
By Judith Larino
