Posibleng sa buwan pa ng Hulyo matatalakay ng senado ang panukalang batas na naglalayong i-rolbak ang excise taxes sa presyo ng produktong petrolyo sa bansa.
Ito’y dahil sa mag-a-adjourn na ang sesyon ng kongreso sa susunod na linggo.
Ayon kay Sen. Bam Aquino, tiwala siyang kapag naunang lumusot sa senado ang nasabing bill, maaring sumunod na rin sa kanila ang House of Representatives o Kamara.
Muli namang nanawagan sa kanyang mga kapwa mambabatas si Aquino na suportahan ang kanilang inihaing panukala upang maibsan ang hirap na nararanasan ng publiko dahil sa walang humpay na pagtaas ng mga presyo ng bilihin.