Muling nagpatupad ng taas presyo sa kanilang mga produktong petrolyo ang mga kumpanya ng langis ngayong araw.
Epektibo alas-12:01 kaninang madaling araw, P0.45 ang itinaas ng kumpaniyang Flying V sa kada litro ng gasolina, P0.20 sa kada litro ng diesel habang P0.10 naman kada litro.
Ganito rin ang ipinatupad na taas presyo ng mga kumpaniyang Shell, Chevron, Petron at Seaoil epektibo ala-6:00 ngayong umaga.
Samantala, tanging sa gasolina at diesel lamang magpapatupad ng taas presyo ang mga kumpaniyang Phoenix Petroleum, Eastern Petroleum at PTT Philippines sa parehong oras ngayong Martes.
Ang panibagong serye ng oil price hike ay bunsod pa rin ng biglaang pagsipa ng presyo ng langis sa pandaigdigang pamilihan.
By: Jaymark Dagala
