Sinabi ni Transportation Secretary Joseph Emilio Abaya na hindi dapat bigyan ng literal na kahulugan ng publiko ang naging pahayag ni Pangulong Benigno Aquino III tungkol sa pagpapasagasa nito ngayong hindi natapos ang LRT-Cavite extension project noong 2015.
Sinabi ni Abaya na ang naging pahayag ni Pangulong Aquino tatlong taon na ang nakalilipas ay repleksyon lamang ng kaniyang dedikasyon upang makumpleto ang proyekto.
Bukod dito, kakatalaga lamang din sa kaniya sa gabinete nang sabihin iyon ni Aquino noong 2013 elections campaign.
Magugunita na binanggit din ni Aquino ang pangalan ni Abaya at sinabing sabay silang magpapasagasa sakaling hindi makumpleto ang nasabing proyekto.
By: Allan Francisco
