Kumbinsido ang pamilya ng kadeteng nasawi sa hazing sa Philippine Military Academy (PMA) na hindi limitado sa tatlong kadete lamang ang sangkot sa insidente.
Ayon kay Dexter Dormitorio, kapatid ng kadeteng si Darwin Dormitorio, napakahirap paniwalaan na tatlong tao lamang ang makakagawa ng sinapit ng kanyang kapatid.
Batay anya sa otopsiya, kinuryente ang kanyang kapatid maliban sa halos araw-araw na pambubugbog dito.
Sinabi ni Dormitorio na nabigo rin ang pamunuan ng PMA na ipaalam sa kanila ang pagkaka-ospital ni Dormitorio ng dalawang beses bago ang insidente na kanyang ikinamatay.