Nabunyag na mahigit sa P16-B ang tinapyas sa panukalang budget ng Department of Health (DOH) para sa 2020.
Ayon kay congresswoman at dating health secretary Janet Garin, sa harap ito ng problema ng bansa sa pagbabalik ng polio, measles at iba pang sakit.
Nagkaroon rin anya ng 71% bawas ang pondo ng DOH para sa human resources deployment na posibleng makaapekto sa kanilang immunization program dahil kailangan ng mga eksperto at tauhan para rito.
Pinuna ni Garin na malaki rin ang ibinawas sa Health Facilities Enhancement Program (HFEP) na posibleng makaapekto sa pagpapatupad ng Universal Health Care Law.