Pinakikilos ng Department of the Interior and Local Government (DILG) ang local government units (LGUs) para magtalaga ng impounding areas sa kani-kanilang nasasakupan.
Ito, ayon sa DILG, ay para mayroong paglagakan ng mga sasakyang mahahatak dahil sa illegal parking.
Sa memorandum circular na nilagdaan ni DILG secretary Eduardo Año, lahat ng mga lungsod at bayan ay dapat magkaroon ng kani-kaniyang impounding areas kung saan dadalhin ang mga sasakyang mahahatak dahil sa road obstructions habang pinoproseso pa ang pagre-release nito.