Pagpapalakas ng Family Planning Program ipinag utos na ng Pangulo

Ipinag-utos na ni Pangulong  Rodrigo Duterte   ang pagpapalakas sa   Family Planning Program  sa  ilalim ng  Responsible Parenthood  and Reproductive  Health Law upang mabawasan ang  insidente  ng  teenage  pregnancies  o maagang  pagbubuntis.

Ayon kay Socio-Economic  Planning  Secretary Ernesto Pernia,  ito ang paraan  upang hindi lumobo ng  husto ang  populasyon ng  bansa at mabawasan ang  bilang  ng  mga  nagugutom at walang  trabahong  mga  Pilipino.

Naglaan anya ang  gobyerno ng  2  Bilyong  Piso sa  pamamagitan ng  Department  of  Health  para  ilarga  ang  family planning  methods sa  mga mahirap.

Tinitiyak  din ng  gobyerno na ang  mga   paraang  ito para  ma-kontrol ang   paglobo ng  populasyon ay mga  non-abortifacient.

Dagdag ni Pernia,  batid  ng Pangulo  na may   maliliit  na  sektor  na  tutol sa naturang batas  kaya’t  maaari silang  umapela  sa punong ehekutibo sa halip na sa  mga  Korte.

By: Drew Nacino / Aileen Taliping

Comments

comments