Winelcome ng Kamara ang pagkakatalaga ng Pangulong Rodrigo Duterte kay Associate Justice Diosdado Peralta bilang bagong Chief Justice ng Korte Suprema.
Ayon kay House Majority Leader Martin Romualdez, ang appointment ni Peralta ay higit pang pagpapakita ng intellectual leadership sa Korte.
Sinabi pa ni Romualdez, pangulo rin ng Philippine Constitution Association, na magiging champion ng good governance si Peralta at magsisilbi rin itong tagapagdala ng liwanag para palaging mangibabaw ang saligang batas.
Inihayag naman ni Deputy Speaker Mikee Romero na bihasa sa batas si Peralta at nakakatiyak siyang malaki ang maitutulong nito para matiyak ang patas na interpretasyon ng batas.
Tiwala naman si AKO Bicol Party list Representative Alfredo Garbin Jr. na makapagpapatupad ng mga reporma sa justice system si Peralta dahil sa manunungkulan ito sa Korte ng mahigit dalawang (2) taon.
Kailangan din aniya ng bansa ng independent judiciary mula sa pinakamababang korte hanggang sa Korte Suprema kaya’t dapat ang mga hukom ay hindi mababayaran o makukuha sa pressure at blackmail.