Naghahanda na ang mga Local Government Unit (LGU’s) sa Metro Manila, Metropolitan Manila Development Authority (MMDA) at PNP-Highway PATROL Group sa inaasahang matinding trapik ngayong panahon ng Kapaskuhan.
Ayon kay MMDA Chairman Francis Tolentino, kabilang dito ay ang pagtatayo ng mga modular bridges o mga bakal na tulay na sa apat hanggang limang linggo lamang gagawin sa limang intersection para mapaluwag ang kalsada.
Ito ay ang EDSA Santolan, EDSA P.Tuazon, Gate 3 ng Ateneo, Katipunan at Vito Cruz – CCP Intersection.
Lilinisin din ang mga obstruction at iligal parking ang mabuhay at Christmas lane para mabigyan ng alternatibong ruta ang mga motorist.
Pinag-aaralan na rin ng magiging sistema sa truck ban dahil sa siguradong pagdagsa ng mga kargamento ngayong Disyembre.
By Rianne Briones