Bukas ang Malakaniyang sa panawagang silipin ng Senado ang mga pinasok na kontrata ni Solicitor General Jose Calida.
Ito’y makaraang kuwesyunin ng Commission on Audit ang mahigit 150 Milyong Piso na halaga ng mga kontrata ng kaniyang security agency sa iba’t ibang ahensya ng pamahalaan.
Ayon kay Presidential Spokesman Harry Roque, tiwala silang magkaka-alaman kung mayruon nga bang conflict of interest kung mabubusisi ito ng husto sa ikinakasang pagdinig ng mataas na kapulungan.
Gayunman, muling iginiit ni Roque na nagsalita na si Pangulong Rodrigo Duterte sa usapin at hindi niya ito tatanggalin sa puwesto taliwas sa mga panawagan ng mga kritiko ng administrasyon.