Kinundena ng CHR o Commission on Human Rights ang pag aresto kay Rappler CEO Maria Ressa dahil sa kasong cyber libel.
Kasunod ito nang paghimok ni CHR Spokesperson Jacqueline De Guia sa gobyerno na pagtibayin ang press freedom.
Sinabi ni De Guia na dapat tiyakin ng gobyerno ang pag iral ng due process at pantay na pag trato sa kaso ni Ressa.
Binalaan din ng CHR ang lahat ng mga pilipino na bantayan kung malalabag ang kanilang karapatan.
