Tiniyak ng Department of Labor and Employment o DOLE na mas mababang remittance service rate at mas malaki ang kikitain ng mga Overseas Filipino Worker o OFW sa itatayong bangko para sa kanila na OFB o Overseas Filipino Bank.
Ayon kay Labor Secretary Silvestre Bello, layunin ng OFB na mapagaan ang pinansyal na pasanin ng mga Pinoy sa abroad.
Sinabi pa ni Bello na pumayag na ang presidente ng Land Bank of Philippines na gawing 2.5 percent kada taon ang interest rate para sa loan package ng mga OFW.
Batay sa executive order no. 44 na nilagdaan ni Pangulong Rodrigo Duterte, bibigyang prayoridad ng bangko ang pinansiyal na pangangailangan ng mga OFW na makakatulong sa bansa sa foreign exchange income, currency stability, at sa pagpapadala ng remittance na malaking tulong sa ekonomiya ng bansa.
—-