Inilarga na ng Muntinlupa City Police ang Oplan Tokhang sa high-end subdivision na Ayala Alabang.
Katuwang ng mga pulis ang mga barangay official sa pamamahagi ng mga polyetos sa mga residente bilang paalala sa masamang dulot ng droga.
Inimbitahan din ng Muntinlupa Police ang mga homeowner na dumalo sa seminar hinggil sa pagsusumbong sa kanila ng mga kapitbahay na posibleng sangkot sa illegal drugs operation o gumagamit ng droga.
Ayon kay Ayala Alabang association President Tony laurel, limang bahay sa naturang subdivision ang pinaghihinalaang pugad ng iligal na aktibidad tulad ng cybercrime.
Nito lamang Mayo ay isang Shabu Laboratory ang nadiskubre sa isang bahay sa Ayala Alabang na ino-operate ng mga Taiwanese.
By: Drew Nacino / Allan Francisco
