Magpapatuloy pa rin ang operasyon ng militar sa Marawi City sa kabila ng deklarasyon ni Pangulong Rodrigo Duterte na malaya na ang syudad.
Ayon kay Joint Task Force Group Ranao Deputy Commander Col. Romeo Brawner, ito ay para makuha ang natitira pang mga bihag ng teroristang grupo.
Sinabi naman ni Brawner na lubos na ikinagalak ng mga sundalo nang sabihin nang Pangulo na malaya na ang syudad dahil na rin sa pagsisikap ng mga ito.
Ngayong halos patapos na ang giyera, sinabi ni Brawner na sisimulan na ang damage assessment upang matukoy ang lawak at halaga ng naging pinsala sa syudad.
Ipinangako ni Brawner na patuloy ang kanilang gagawing pagsisikap para mapabilis ang ginagawang clearing operations upang agad na makabalik ang mga bakwit sa kanilang mga tahanan.
—-
