Magbabalik-bansa ang American pop rock band na One Republic sa darating na June 24.
Ang pagbisita ng grupo na pinangungunahan nina Ryan Tedder at Zach Filkins ay bahagi ng MTV Music Evolution Manila 2016–isang music festival na inorganisa ng MTV at ng Philippines Tourism Promotion Board.
Nakatakdang ilabas ang full line up ng events at ang mga venue sa mga darating na buwan.
Matatandaang nagsagawa na ng concert ang grupo sa Pilipinas noong 2013 na maglalabas ng kanilang bagong album ngayong taon.
Ilan sa mga hit songs ng One Republic ay ang ‘Apologize’, Stop and Stare’, Counting Stars’ at If I Lose Myself’.
Noong isang taon ginanap ang MTV Evolution Manila sa Quirino Grandstand na nilahukan ng mga sikat na local at international stars.
Inaasahan na ang nasabing music festival ay magandang venue para makita ng buong mundo ang husay ng mga Pinoy artists.
By Aiza Rendon
