Wala pang plano ang NUPL o National Union of People’s Lawyer na kuwestyunin sa Korte Suprema ang pagdedeklara ni Pangulong Duterte ng batas militar sa Mindanao.
Ayon kay NUPL President Edre Olalia, sa ngayon ay masusi na nilang pinag-aaralan ang legal at factual basis na pinagbasehan ni Pangulong Duterte para ideklara ang martial law sa Mindanao
Nakatutok aniya sila sa pagpapalaganap ng kaalaman tungkol sa martial law at sa pagbabantay sa epekto nito sa kalayaang sibil, sa buhay at sa seguridad ng mga sibilyan sa Mindanao.
Una rito, inihayag ng Integrated Bar of the Philippines na hindi sila maghahain ng petisyon sa Korte Suprema laban sa martial law at sinusuportahan din nila ang lahat ng legal na pamamaraan para mawakasan ang kaguluhan sa Mindanao.
By Meann Tanbio | With Report from Bert Mozo