Gahol na sa panahon at para na rin sa kaligtasan ng mga manlalaro.
Ito ang naging paliwanag ni commissioner Kenneth Duremdes kung bakit kinansela na nila ang 2020-2021 season ng Maharlika Pilipinas Basketball League (MPBL).
Ayon kay Duremdes, karamihan din sa mga kinatawan ng mga koponan ay nagsabing dapat ‘no vaccine, no play’ muna.
Sa halip, plano ng MPBL na magdaos na lamang ng pre-season o pocket tournaments bilang kapalit pansamantala ng 2020-2021 MPBL season habang wala pang natutuklasang bakuna laban sa COVID-19.
