Sinuspindi ng LTO ng 3 buwan ang lisensya ng motoristang kumaladkad sa isang traffic enforcer sa Maynila.
Naglabas na ng show cause order ang LTO laban kay Orlando Ricardo Dizon Jr. at pinapaharap ito sa Intelligence and Investigation Division ng ahensya sa Huwebes, November 21.
Batay sa ibinahaging cctv footages ng Manila Public Information Office kinaladkad ni Dizon sakay ng kaniyang Mitsubishi Xpander ang Manila Traffic and Parking Bureau enforcer na si Adrian Lim matapos mahuli dahil sa traffic violation.
Si Dizon ay nakakulong sa MPD station 3 at mahaharap sa kasong reckless driving at serious physical injury.
