Bukas ang militar na mapahusay pa ang kanilang opensiba laban sa Abu Sayyaf Group.
Ayon sa tagapagsalita ng Western Mindanao Command na si Major Filemon Tan Jr., para matiyak ang kaligtasan at kalayaan ng 2 natitirang bihag ng Abu Sayyaf, mag-a-adjust ang militar.
Una nang inutos ni Pangulong Noynoy Aquino sa Jolo, Sulu noong Miyerkules na magkaroon ng refinements sa operasyon ng militar laban sa Abu Sayyaf.
Matatandaan na nagbanta ang Abu Sayyaf na pupugutan nila ang Norweigan na si Kjartan Sekkingstad.
Isa ang Norwegian sa 2 natitirang bihag, kasama ang Pilipinang si Marites Flor.
Nauna nang pinugutan ng Abu Sayyaf Group ang mga Canadian na Sina John Ridsel at Robert Hall.
By: Avee Devierte