Itinanggi ni Defense Secretary Delfin Lorenzana na papatayin din ng tropa ng pamahalaan ang mga miyembro ng Maute-ISIS group na gusto nang sumuko.
Ayon kay Lorenzana, propaganda lamang ng ilang mga miyembro ng Maute ISIS group ang kanilang binibigay na babala para hindi mabawasan ang kanilang natitirang pwersa sa Marawi City.
Giit ni Lorenzana, ito na pagkakataon ng ilang mga terorista para mabigyan patas na paglilitis at oportunidad na muling maging normal ang pamumuhay.
Dagdag ni Lorenza, nag-iikot ang mga sundalo at pulis sa Marawi City, araw-araw para magbigay ng impormasyon sa Maute ISIS members na nagnanais nang sumuko sa pamamagitan ng public address system.