Nilinaw ngayon ni Justice Secretary Menardo Guevarra na walang kinalaman si dating Justice Secretary Vitaliano Aguirre sa nakitang saku-sakong dokumento mula sa kanyang tanggapan na umano’y sinira bago ito bumaba sa puwesto.
Ayon kay Guevarra, lumabas sa kanilang ginawang paunang imbestigasyon na ang tauhan ng dating kalihim ang nagtapon ng mga naturang dokumento.
Dagdag pa ni Guevarra wala silang natagpuang mahahalagang dokumento mula sa mga sinirang papel kundi ito’y pawang mga kopya lamang ng balangkas at imbitasyon.
Patuloy pa rin aniya ang kanilang isasagawang imbestigasyon hinggil sa nasabing isyu.
Una nang itinanggi ni Aguirre na siya ang nagpasira ng mga dokumento na mula sa kanyang opisina.
—-
