Iginiit ng Malakanyang na hindi lang dapat si Senador Franklin Drilon at iba pang miyembro ng Liberal Party ang dapat idiin at imbestigahan kaugnay sa pork barrel scam.
Kasunod ito ng ginawang pagsiwalat ni Janet Lim Napoles na binigyan niya ng Limang Milyong Pisong kickback si Drilon nuong nakaraang eleksyon.
Giit ni Roque , dapat papanagutin din sa batas ang iba pang personalidad na nagkamal ng pera ng bayan, kaalyado man o hindi ni Pangulong Rodrigo Duterte.
Hangad aniya ng Duterte Administration na mahanap ang katotohanan at kung sino ang tunay na nasa likod ng PDAF Scam.
