Inaasahang magbabalik na sa normal bukas ang mga lugar na tatlong araw inilagay sa lockdown para sa ASEAN Summit.
Anumang oras mula ngayon ay bubuksan na ang Roxas Boulevard gayundin ang ASEAN lane sa northbound ng EDSA.
Ito’y sa sandaling matiyak ng awtoridad na nakaalis na ang lahat ng delegado ng ASEAN Summit pabalik sa kani-kanilang bansa.
Una nang tinanggal ang ASEAN lane sa southbound ng EDSA matapos ang mga pagpupulong.
‘Longer travel time to NAIA’—MMDA
Pinayuhan ng Metropolitan Manila Development Authority o MMDA ang mga lalabas ng bansa ngayong araw na ito na maglaan ng mas mahabang biyahe pa-NAIA.
Ito ayon sa MMDA ay dahil sa pag-alis ngayong araw na ito ng iba pang lider at delegadong dumalo sa ASEAN Summit.
Sinabi ng MMDA na gagamitin muli ang ASEAN lanes na inireserba sa mga high profile attendees ng nasabing summit dahilan kaya’t babagal nbaman ang daloy ng trapiko sa mga malalaking kalsada.
Una nang umalis ng bansa at hindi na dumalo pa sa closing ceremony ng ASEAN Summit sina US President Donald Trump, Canadian Prime Minister Justin Trudeau, Brunei Sultan Hassanal Bolkiah, Indian Prime Minister Narendra Modi at Vietnam Prime Minister Nguyen Xuan Phuc.
Alaa-6:00 kaninang umaga nang eskortan ng mga pulis ang Cambodian delegation na umalis na ng bansa.
By Len Aguirre / Judith Larino