Lalagyan na ng Philippine Coast Guard ng plate number ang mga fishing boat na pumapalaot sa Moro Gulf.
Sa gitna na rin ito ng ginawang pag-atake ng mga pirata sa isang fishing boat sa Siromon Island, Zamboanga City kung saan walong (8) mangingisda ang pinatay.
Ayon kay PCG officer-in-charge Commodore Joel Garcia, sa ilalim ng numbering system, lalagyan nila ng numero ang mga bangkang pangisda.
Bukod dito, sinabi ni Garcia na magkakaroon din ng database ang coast guard sa mga lehitimong bangka lamang na pumapalaot sa Southern Mindanao.
By: Meann Tanbio / Aya Yupangco
