Handa ang Philippine Amusement and Gaming Corporation o PAGCOR na mapasailalim sa mga patakaran ng Anti-Money Laundering Council o AMLC.
Ito ang tiniyak ni Presidential Communications Secretary Sonny Coloma batay sa ipinaabot na pahayag sa kaniya ni PAGCOR Chairman Cristino Naguiat.
Binigyang diin ni Coloma, layunin ng pamahalaan na tiyakin ang integridad ng lahat ng transaksyong pinansyal at pigilin ang mga iligala na aktibidad tulad ng money laundering.
Inihayag ito ni Coloma bilang tugon sa planong isama ang mga casino sa sandaling amyendahan na ng Kongreso ang probisyon ng Anti-Money Laundering Act.
By Jaymark Dagala
