Palaisipan ngayon sa mga awtoridad sa San Francisco, California kung saan nagmula at ano ang ibig sabihn ng mga nagkalat sa kanilang siyudad na mga baseball bat na may mga malalaking pako na nakausli.
Ayon sa San Francisco Police District o SFPD, nagsimulang makita ang mga mistersyosong baseball bat na may mga pako na naka kadena sa mga parking meter noong Thanksgiving day, Biyernes araw dito sa Pilipinas.
Noong araw na iyon, 15 baseball bat ang kanilang nakita. Pero ngayong araw, umakyat na ang bilang na iyan sa 29.
Dahil sa pangyayari, agad inalerto ng SFPD ang kanilang mga tuahan.
Nasa kustodiya na ngayon ng SFPD ang mga baseball bat na ituturing bilang ebidensya.
Nanawagan naman ng kooperasyon sa publiko ang mga otoridad upang mabigyang linaw ang mensahe at pinagmulan ng mga ikinalat na baseball bats na may mga nakausling malalaking pako sa San Francisco.
By: Jonathan Andal
