Nadiskubre ng Special Action Force o SAF ang matataas na kalibre ng baril sa dating dormitoryo ng convicted drug lord na si Peter Co sa maximum security compound ng New Bilibid Prisons.
Kabilang sa mga nakuha sa quadrant 4 dormitory 2-b ng bilibid ang isang submachine gun , tatlong kalibre kuwarenta y singkong baril, isang 9mm caliber at kasama pa ang isang flat screen television.
Bukod dito, may nakuha ring ilang sachet ng shabu, drug paraphernalias at cellphones ang SAF sa ilan pang quadrant ng maximum security compound ng NBP.
Matatandaan na inilipat sa National Bureau of Investigation si Co makaraang madiskubre sa kanyang selda ang mga appliances, baril at mga gadgets.
Gayunman, ibinalik na si Co sa building 14 ng NBP makaraang i-take over ng SAF ang seguridad sa bilibid.
By: Len Aguirre
