Patay ang mayor ng bayan ng Palanan sa lalawigan ng Isabela makaraang mahulog sa bangin ang kanyang sinasakyang Fortuner.
Idineklarang dead on arrival sa ospital si Mayor Rodolfo Bernardo Jr. samantalang sugatan naman ang mga kasamahan nito na sina Engr. Melito Casasola Jr., Engr. Emerson Velarde at driver na si Rommel Donato Alvarez.
Batay sa imbestigasyon ng Santiago City PNP sa Isabela, nalubak sa butas ang sasakyan nina Mayor Bernardo makaraan itong mag overtake, pumutok ang gulong at nagtuloy-tuloy sa isang bangin na may dalawa hanggang tatlong metro ang lalim.
By Len Aguirre
