Itinanggi ni House Speaker Pantaleon Alvarez na biktima ng political persecution ng Duterte administration si Senador Leila De Lima.
Ito ang iginiit ni Alvarez sa isinagawang joint press conference ng ehekutibo, senado at Kamara sa Malakanyang.
Ayon sa leader ng mababang kapulungan ng kongreso, imposible ang mga akusasyon ng mga kritiko lalo ni De Lima na pawang mahirap ang biktima ng anti-illegal drugs campaign.
PAKINGGAN: Pahayag ni House Speaker Pantaleon Alvarez
Isa rin anyang kalokohan ang mga akusasyon ni De Lima na tila isang santa kapag humaharap sa media gayong malinaw na mayroon itong kinakaharap na drug case.
PAKINGGAN: Bahagi ng pahayag ni House Speaker Pantaleon Alvarez
By Drew Nacino
