Magkakaloob ng libreng sakay sa jeepney ang pamahalaang lungsod ng Makati para sa mga estudyante nito ngayong araw lamang.
Kasabay ng pagdiriwang ng ika-345 taong pagkakatatag ng lungsod na nasabay sa pagbubukas ng klase para sa school year 2015-2016.
Sa Twitter post ng lokal na pamahalaan, magsisimula ang libreng sakay sa mga estudyanteng naka-uniporme mula alas-5:00 hanggang alas-8:00 ng umaga at alas-5:00 hanggang alas-7:00 ng gabi.
Bukod sa libreng sakay sa jeepney, mayroon ding P1 diskuwento ang mga estudyante na sasakay sa tricycle mula alas-6:00 hanggang alas-8:00 ng umaga at alas-5:00 hanggang alas-8:00 ng gabi.
By Jaymark Dagala
