Sumampa na sa mahigit 6000 ang nagkakasakit ng malaria kabilang ang anim na namatay sa Palawan.
Ayon kay Dr. Mary Ann Navarro, Provincial Health Officer ng Palawan, karamihan sa mga nagkakasakit ay bata mula sa mga bulubunduking barangay na malayo sa mga health center.
Apektado ng Malaria Outbreak ang mga bayan ng Rizal, Brooke’s Point, Bataraza, Balabac at Puerto Princesa City kung saan inaabot ng hanggang alas 10:00 o alas 11:00 ng gabi ang mga bata sa paglalaro na oras ng paglabas naman ng mga lamok.
Bagaman namamahagi na ang lokal na pamahalaan ng kulambo, indoor residual spraying, stream clearing, bio-pond bilang pangontra sa mga lamok na nagdadala ng malaria, dapat anyang makipag-tulungan ang mga mamamayan upang masugpo ang naturang sakit.
By: Drew Nacino