Magbibigay ng libreng sakay ang Land Transportation Franchising and Regulatory Board o LTFRB Region 7 sa libu-libong nais makibahagi sa libing ni Cebu Archbishop Emeritus Ricardo Cardinal Vidal.
Ayon sa LTFRB Region 7, isasara mamaya sa daloy ng trapiko ang ilang mga kalsada sa Cebu City at tanging ang mga bus na may tarpaulin streamers ng ahensya ang papayagang dumaan.
Nakatakdang ilibot ang kabaong ng kardinal sa lungsod para masilayan ng mga residente doon bago ito dalhin sa museleo ng Cebu Metropolitan Cathedral.
—-