Nakatakdang magpalabas ng show cause order, bukas, ang LTFRB o Land Transportation Franchising and Regulatory Board laban sa viral grab driver na nagpakansel ng booking sa kanyang pasahero.
Kaugnay ito ng reklamo ng isang pasahero ng Grab kung saan ipinakakansela sa kanya ng Grab driver ang ibinook niyang trip dahil hindi na umano ito makakapunta.
Ayon kay LTFRB Chief Atty. Martin Delgra, bukod sa driver na sangkot sa insidente, kasama rin nilang ipatatawag ang operator nito at maging ang pamunuan ng Grab.
Sinabi ni Delgra, oras na mapatunayang ipinakansel o tumanggi ang Grab driver na ihatid ang pasahero matapos nitong kumpirmahin ang booking, maaari aniya itong kasuhan ng refusal to convey pasengers.
Iginiit ni Delgra na tulad ng mga regular na taxi drivers, maaaring sampahan ng nasabing kaso ang mga Grab drivers dahil paglabag aniya sa terms and condition ng prangkisa ng mga TNVS o Transport Network Vehicles Service ang pagkansela sa booking.